إزاى تنسى بنت بتحبها وحصلت أى ظروف وسيبتها أو هتسيبها ’ ونفس الكلام بقوله للبنت إزاى تقدرى تنسى واحد حبتيه ’ وأنا كتبت الكلام ده عشان عارف أد إيه المسألة دى صعبة جداً على قلبك .
1- إتخلص من الروابط
لو فيه حاجات بتربطكم ببعض زى صور لازم تقطعها ’ أو رسايل موجودة عندك على تليفونك لازم تمسحها ’ مع إنى عارف إنها هتفضل فى قلبك لوقت معين بس لازم تعمل كده عشان الألم يخف شويه فى قلبك ’ وأى رابط زى الصور والرسايل لازم تتخلص منه .
2- بـلاش تحـاول تـنـسـى حـبـيـبـك !
لازم تعـرف إنـك لـمـا تـرفـض وجـود أى شـخـص فـى تـفـكـيـرك لازم وجـوده فـى تـفـكـيـرك يعـنى فى قـلـبـك وعـقـلـك هـيـزيـد ودى مشكلة اللى بـيحاول يـنسى ’ إنـه بيحاول يـطـرد وجـود الشخـص من تـفـكـيـره وده خـطـأ .
تقبل إن الشخص موجود فى تفكيرك , هـتحـس مع الـوقـت إنـه مـوجـود فـى عقلك زى أى حد تانى بس طبعاً ده مع الوقت ’ المهم إنه يكون موجود عادى وتقبل خلاص إن حصل فراق مهما كان السبب .
3- إنـتـقـد حـبـيـبـك وإنـتـقـد الـعـلاقــة
دى بقى حاجة جامدة أوى تساعدك على التخلص من ألم الفراق ’ أنت بالورقة والقلمتكتب عيوبه بالتفصيل وما تستعجلش وبعد كده تكتب العيوب الموجودة فى علاقتكم ببعض ’ وكل ما تـفـتـكـر حـبـيـبـك أو اللى كـان حـبـيـبـك ! فـكـر فى عـيـوبه هـتحس إن حـبـك لـيـه بـيـضعـف أوى وبـالـتـالى تـتخـلص من مشاعر الحزن بالتدريج .
4- الله يعـلم وأنـتـم لا تعـلـمـون
أنت فى حـياتـك شوفـت وجـربت كتير إن ساعات ربنا بيحرمك من حاجات جميلة أنت بتحبها عشان يديك حاجات أجمل منها بكتير ’ والكلام ده أنت عارفه دلوقـت لـكـن مش حاسه عـشان لـسـه ما أخـدتـش الحاجة الأجمل لكن تأكد إن ربنا بيحبك أوى وبيخترلك الأحسن وبعد فترة هتقول الحمد لله على اختياره ليك وأختم معاك بالجملة الجميلة أوى دى :
إن الله يُعـطـيـك مـا ينفعـك وليس ما تُحـبه إلا إذا كـان ما تُحـبه هـو النافـع لـك !
هانى عرفة
0 التعليقات:
إرسال تعليق