أنت زى العربية
العربية عشان تتحرك بصورة صحيحة وسليمة محتاجة حاجتين :
1-
محركاتها
تكون سليمة بلا أعطال
2- يكون فيها بنزين
أنت نفس الأمر لو محركات نفسك اللى بتحركك ( أفكارك ) فيها عطل حتى لو بسيط
جداً العربية هتتعبك ، ما بالك بقي لو فيه أعطال كثيرة !
كذلك لو عربيتك سليمة ومفيش فيها أى أعطال بس مفيش فيها بنزين = مش هتتحرك
مهما عملت = كذلك أنت .
أنت محتاج تصحح أفكارك اللى معطلاك عن التقدم ، اللى مخلياك خايف أو مكتئب
أو وحيد أو شايف نفسك قليل وضعيف ، وبعد التصحيح ده محتاج تحفيز وحماس = البنزين
اللى يحركك بعد ما صلحت الأعطال .
لو أنت تعبان نفسياً افهم على طول إن أنت عندك مشكلة فى حاجتين :
1-
محركاتك ( أفكارك )
2- نقص بنزين ( حماس وشغف )
لو بتعمل محاولات ومش بتتقدم نفسياً يبقي غالبا أنت بتسمع تشجيع وتحفيز بس
مش بتصحح الأفكار اللى معطلاك ، ومعروف فى علم النفس إن أغلب مشاكلنا النفسية سببها
أخطاء فى التفكير ونظن أن المشكلة فينا أو فى الواقع أو فى الناس .
المشكلة دائما فى العقل ولو تم معالجة أفكاره هتحتاج شويه بنزين وتنطلق
وترجع روحك تحس بطعم الحياة زى زمان .
أكثر كلام يفيدك هو اللى يجمع فيه المتكلم أو الكاتب بين التحفيز وتصحيح
الأفكار اللى سببت المشاكل .
الإنسان عبارة عن فكرة ثم شعور ثم سلوك .. الخلل والضعف الذى تراه فى سلوكك
ناتج عن خلل فى طريقة تفكيرك .. هنا تحتاج أن تتحاور مع أحد الأشخاص الذين عندهم
عمق فى التفكير والإحساس يتعاون معك فى تعديل أفكارك .
ومن ناحية التحفيز أنصحك تشوف الفيديو ده وتحتفظ بيه عشان فيه كمية باور عالية جدا !
اضغط على الرابط ده :
0 التعليقات:
إرسال تعليق